O Lugo do futuro
Principais actuacións que executaremos a partir do 28 de maio
Peonalización da Rolda da Muralla
Continuaremos a reducir o tráfico da Rolda da Muralla. A seguinte actuación comprenderá o treito entre a porta de San Fernando e a Porta do Hospital, dando continuidade á nova beirarrúa da Rolda.
Espazos seguros en todos os barrios
Do mesmo xeito que a praza do Sagrado Corazón, Luís Seoane, as rúas de Fingoi de Abaixo ou a rúa Rafael de Vega, desde o BNG traballaremos para que todos os barrios conten cun espazo peonil seguro, onde a veciñanza teña un espazo de convivencia amable.
Atención ás zonas periurbanas
Desde o BNG apostamos por traballar tanto na zona urbana de Lugo como na mellora dos barrios e das zonas periurbanas, mellorando a calidade de vida das veciñas e veciños que a diario utilizan estas rúas.
Lugo Quere Tren
Seguiremos esixindo a modernización da liña que une Ourense con Lugo e Lugo coa Coruña, ao igual que a execución dos 25km da variante entre Curtis e Ordes para unir Lugo e Compostela en tren.
Salvemos o Rato
A Xunta de Galiza ten pendente completar a Rolda Leste, a vía que unirá a N-VI coa estrada da Fonsagrada. Esta infraestrutura, que contará con dúas calzadas de dous carrís, con mediana de separación entre elas e importantes estruturas na execución do seu percorrido, terá unha enorme afectación no terreo das carballeiras do río Rato e tamén á parroquia de Bosende, destruíndo preto dun quilómetro de carballeiras da contorna do rato, unha perda importante nas nosas zonas verdes.
Recuperar a Tinería
O conxunto histórico da cidade de Lugo é BIC (Ben de Interese Cultural), ao igual que algúns dos edificios que se atopan no seu recinto, como o Cuartel de San Fernando.
Nun momento coma este, no que se está a intervir en toda a cidade para poñela en valor, e moi especialmente no entorno da única Muralla romana completa do planeta, non é concebíbel que a Xunta manteña esta zona abandonada.
Xulgado de Violencia de Xénero
esde o BNG levamos anos traballando para que Lugo conte cun xulgado de Violencia de Xénero. Unha sala específica na que tratar estes casos, que dea a mellor atención posíbel ás vítimas. Nos últimos anos as distintas administracións foron dando pequenos pasos de cara á creación deste xulgado, mais seguimos traballando para que Lugo conte cun servizo público esencial que permita dar un trato eficiente e áxil aos casos de violencia de xénero.
